Frigir namn på omkomen etter leiteaksjon
Det var 82 år gamle Arne Steinveg frå Nesjestranda i Molde kommune som vart funnen omkomen etter ein leiteaksjon i Veøyfjorden utanfor Sekken natt til onsdag 27. mars.
Det vart starta å leite etter den sakna mannen tysdag 26. mars då han ikkje kom heim etter ein fisketur. Han vart funnen 100 meter under havoverflata inne i rorhuset på fritidsbåten sin.
Den omkomne vart henta opp frå sjøen onsdag kveld og politiet fekk god bistand frå Kystvakta ved KV Njord til gjennomføringa av dette oppdraget.
Dei pårørande er orienterte om at politiet gir ut namnet til media.