Erstatning etter politiregisterloven

Slik krever du erstatning

1. Erstatningskravet og dokumentasjon

   Storleiken på erstatningskravet må stå i forhold til det økonomiske tapet du har fått.

   • Du må derfor dokumentere at du har fått eit økonomisk tap.
   • Du må også dokumentere at vi har behandla opplysingane ulovleg. I tillegg må du dokumentere kor stort tapet er.
   • Du må skrive under på kravet om erstatning og levere det skriftleg.
   • Du må legge fram erstatningskravet før fristen går ut. Fristen for å sende inn krav er tre år.
2. Kvar skal du sende erstatningskravet?

   Du skal sende kravet til det politidistriktet eller særorganet som har behandla opplysingane ulovleg. Kravet vil bli vurdert av avdelinga som er ansvarleg for behandlinga.

3. Klage på svaret

   Har politiet avslått erstatningskravet, eller er du ueinig i summen du har fått,  kan du klage på avgjerda til politiet.