To personar er skadde etter ei valdshending i Averøy
To personar er skadde etter ei valdshending i Averøy i går kveld. Dei involverte er ein mann og ei kvinne. Politiet kan stadfeste at det er ein relasjon mellom dei.
Ein patrulje vart sendt til ei privat bustadadresse kl. 17.55 onsdag 26. mars etter melding om ei valdshending. I tillegg til den skadde kvinna og mannen oppheldt det seg også to barn på staden som ikkje er fysisk skadde og blir ivaretatt. Det var fleire meldarar som tok kontakt med politiet og varsla om hendinga.
Den skadde kvinna klarte å ta seg ut av bustaden saman med barna deira. Kvinna hadde stikkskader, og blei frakta til Ålesund sjukehus med luftambulanse. Mannen hadde også stikkskader, og blei funne kritisk skada av politiet inne i bustaden. Han blei frakta med luftambulanse til St. Olavs Hospital.
Tilstanden skal vere stabil for dei skadde.
Mannen er sikta for brot på Straffelova § 275, jf. § 16 for å ha forsøkt å drepe ein annan.
– Politiet jobbar ut frå fleire hypotesar og det er for tidleg å seie noko sikkert om hendingsforløpet, seier politiadvokat Sander Brink.
Det er gjennomført kriminaltekniske undersøkingar på staden og desse vil halde fram i løpet av dagen. Politiet vil halde fram med andre etterforskingssteg, blant anna vitneavhøyr.
Presseførespurnader:
+47 990 94 670